Jinên DAIŞ’î yên di Kampa Holê ya li başûrê Kantona Hesekê de piştî êrîşa dagirkeriyê ya dewleta tirk, alozî derxistin û hewl didin ji kampê birevin
Di kampa Holê de bi dehhezaran jin û zarokên çeteyên DAIŞ’ê hene. Kampa Holê weke xeternaktirîn kampa cîhanê tê pênasekirin. Li gorî agahiyên ji kampê, piştî ku dewleta tirk û çeteyên wê êrîşî rojavayê Kurdistanê kir, malbatên çeteyan jî ketin nava liv û tevgerê.
Çavkaniyên ji kampê da zanîn ku jinên DAIŞ’î hewl didin tevliheviyê di kampê de derxin da ku ji xwe re derfetê bibînin û ji kampê birevin. Çavkaniyan diyar kir ku îro ji saetên sibehê ve tevliheviyê dest pê kir.
Çavkaniyeke ji ewlehiyê jî destnîşan kir ku ew parastina noqteyên ewlehiyê, koçber, penaber, rêxistin û komeleyên di beşên kampê de ji jinên DAIŞ’î dikin. HESEKÊ
