HSDyî bîlançoya hêrişanê dagirkerî yê di rojan û cewabê şervananê înan eşkera kerd. Goreyê eşkerayîye mabênê di rojan de 262 çeteyê îşxalkarî ameyî kiştene. Ame parbekerdene ke 16 şervanê HSDyî u xeylî sivîlî zî şehîd bîyî
Merkezê Îrtîbat û Çapemenîye yê Hêzê Sûrîyeya Demokratîke (HSD) bîlançoya hêrişanê dagirkerî yê dewleta tirkî û çeteyanê aye yê di rojan eşkera kerd.
Eşkerayîye wina ya: “Artêşa dagirkere ya tirkî roja 9ê teşrîna Verêne saete 16.00î de dest pê hêrişê serê Rojawanî û Vakurê Sûrîye kerd. Nê hêrişî serê şaristananê Serêkanîyê, Girê Spî, Kobanî, Eyn Îsa, Qamişlo, Dêrîk, Tirbespiyê, Dirbêsiyê û Amûdê de ameyî meydan. Wexto ke serê şaristananê Serêkanîyê, Girê Spî, Kobanê û Eyn Îsa pê teyarayanê şerî bombardûmanî ameyî kerdene, şaristananê Qamişlo, Dêrîk, Tirbispiyê, Dirbêsiyê û Amûdê de bi bataryayanê topan, tankan bêmabên bi seyan hêrişî ameyî kerdene. Hêrişanê ke seraser xeta sînorî de ameyî meydan pê tewrbîyayîşê 10 teyarayanê keşfî dest pêkerd. Bi taybetî teyarayê keşfî serê şaristananê Serêkanîyê, Girê Spî û Kobanê de û xeta sînorî de gêrîyayê.
Artêşa dagirkere erdî ra seba ke derbasê sînorî bike û Rojawan îşxal bike şaristanê Serêkanîyê, Girê Spî, Çelebîyê, Kobanê û Dirbêsiyê xo rê kerdî armanc. Hêrişê îşxalkarîye zafê baskan de ameyî meydan. Bi taybetî mabênê Kobanê û Girê Sipî de xeta Kulît, Aşme û Til Sindir de bi seyan reyan bi tang, top û obûsan ameyî eştene.
*Hêrişê Aşmê erdî de ameyî meydan, 9ê teşrîna verêne de şan de ameyî şiknayene û Til Sindir û Xeta Kulitê erdî ra û hewayî ra hêrişanê destpêkî bi teyarayanê şerî û dima erdî de hêrişêko çêtin dest pêkerd. Armancê nê hêrişan dormegirewtişê Girê Sipî bîyî. Hêrişê xeta Slûk, Aşmê û dormegirewtişê Girê Sipî 9 û 10ê teşrîna verêne de ameyî şiknayene. Nê hêrişan de pêroyê şervananê ma xîretanê dişmenî rê pê xoverdayîşanê xurtan cewab da. Netîceyê şerî de 40 çeteyî ameyî kiştene û tankêk ame îmhakerdene. Baskê Til Findirî de grûbêke bêmabên cewabê hêrişan da û wesayîtêkê dewleta îşxalkarîye ya tirkî ame îmhakerdene.
*Roja 10ê menge de verba hêrişê dagirkerîye yê serê şaristananê Girê Sipî û Xeta Silukî de xoverdayîşê şervanan dewam keno. Zafê çeperan de şer nêzdîye ra qewimîyeno, nê şeran de ca û wextanê cîyayan de xeta Slûk, Girê Spî û Kobanê de 52 çeteyê dewleta dagirkere ya tirkî ameyî kiştene.
*Şaristanê Serekanîyê de hêrişê top, hewan û obusan dewam kenê. Bi taybetî Til Xelefî ra heta Dêrikî mabênê 9-10ê teşrîna verêne de bombardûmanî bêmabên dewam kerdî. Zafê reyan artêşa dagirkere û çeteyanê aye xeta Serêkanî, Tilxelef, Elok û Dirbêsiyê de waşt ke sînor derbas bikê, rastê cewabê şervanan ê ma ameyî.
*Serekanîyê de hucreyêkê çeteyano ke xo rê dewa Um El Xer de ca kerd, hêrişî ci rê ameyî kerdene û netîceyê hêrişî de hucre ame îmhakerdene. Zafê cayanê şerî de cenazeyê çeteyan mendî.
*Hêrişê dagirkerîye Amûde, Qamişlo û Dêrik de bi hewayêkê çêtin ameyî meydan. Şaristanê Dêrikî de tankêkê artêşa tirkî ya dagirkere waşt sînor derbas bike û pê cewabdayîşî tang ame îmhakerdene.
* Cayanê cîya-cîyanan yê şerê 9-10ê teşrîna verêne de bajarê Serêkanîyê de 170 çeteyê dagirker ameyî kiştene. Netîceyê şerê wirdî rojan de 16 embazê ma bi camêrîşer kerdî û şehîd bîyî.
*Netîceyê şerî yê di rojan de 262 çeteyê dagirkerî ameyî kiştene. Rîyê hêrişanê artêşa dewleta tirkî ya dagirkere yê serê şaristananê Rojawanê Kurdistanî de ra zafê sivîlî şehîd bîyî û bi desan kesî birîndar bîyî.”
