Şaneyeke çeteyên DAIŞ’ê ya li Mensûra ya Reqayê ku amadekariya êrîşê dikir, ji hêla Hêzên Ewlekariya Hundirîn ve hatin kuştin
Şaneyên çeteyên DAIŞ’ê piştî ku êrîşên dagirkeriyê yên dewleta tirk dest pê kirin, ketin nava liv û tevgerê. Di vê çarçoveyê de hem êrîşî sivîlan û hem jî li gelek deveran êrîşî şervanan dikin. Hêzên Ewlekariya Hundirîn li dijî şaneyeke veşartî ya çeteyên DAIŞ’ê ya li bajaroka Mensûra ya Reqayê amadekariya êrîşê dikir, operasyon pêk anî.
Li gorî agahiyan, di 9’ê cotmehê de şaneyeke çeteyên DAIŞ’ê li bajaroka Mensûra yê girêdayî Reqayê ku ji 3 çeteyan pêk dihat, amadekariyên êrîşan dikirin. Di 10’ê cotmehê de Hêzên Ewlekariya Hundirîn agahî der barê şaneyê de girtin û yekser dest bi operasyonê kir.
Tevî banga teslîmbûnê ya hêzên ewlekariyê jî çeteyan guh neda û êrîş kir. Li ser vê yekê jî şervanan bersiv da û her 3 çete jî hatin kuştin. REQA
