Wezîrê Maliyeya DYA’yê Steve Mnuchîn diyar kir ku serokê DYA’yê Donald Trump biryarnameya danekirinên bi hêz a Tirkiyeyê îmze kir. Mnuchîn got: ‘Em dikarin aboriya Tirkiyeyê têk bibin.”
Ji bo Tirkiyeya ku li dijî bakur û rojhilatê Sûriyeyê dest bi operasyona leşkerî kir, ji DYA’yê danekirinên aboriyê tên. Wezîrê Maliyeya DYA’yê Steve Mnuchîn der barê danekirinên li ser aboriya dewleta tirk de daxuyanî da û wiha got: “Trump rayeya biryarnameya ku dikare li ser aboriya Tirkiyeyê danekirinên bihêz çêbike, îmze kir. Ger ku em neçar bimînin, em dikarin aboriya Tirkiyeyê nekêr bikin.”
Hêjayî gotinê ye ku serokê DYA’yê Donald Trump piştî ku destûra êrîşa dagirkeriyê ya li dijî rojavayê Kurdistanê da dewleta tirk, daxuyanî dabû û wiha di got: “Weke ku min berê jî destnîşan kir heke ku Tirkiye sînorên zanayiya min a mezin û bêhempa derbas bike, ez ê aboriya Tirkiyeyê bi temamî tune bikim. Min beriya niha jî kir.” WASHÎNGTON
