Rojnamegeran Serêkanîyê ra dayî zanayene ke rîyê bombardûmananê hewayî û erdî ra vizêr şan xeylî sivîlan wefat kerdî û rîyê têgêrayîşê teyarayanê şerî ra ê nêeşkenê xo biresnê wareyanê ke sivîlî tede ameyî kiştene
Hêrişê îşxalkarîye yê artêşa tirkî yê verba vakur û Rojhelatê Sûrîye 4 rojan ra nata dewam kenê. Heta nika 14 sivîlî şehîd bîyî û bi seyan sivîlî zî birîndar bîyî. Rojnamegeran Serêkanîyê ra dayî zanayene ke rîyê bombardûmananê hewayî û erdî ra vizêr şan xeylî sivîlan wefat kerdî û rîyê têgêrayîşê teyarayanê şerî ra ê nêeşkenê xo biresnê wareyanê ke sivîlî tede ameyî kiştene. Rojnamegaran dayî pêhesanyene ke rîyê hêrişanê giranan ra, ê nêeşkenê xeberan taqîb bikerê û rîyê bombardûmananê artêşa tirkî ya dagirkere ra zafê sivîlan wefat kerdî.
Rojnamgeran veng dayî ke hêzê mîyanneteweyî şer bidê wedarnayene û va: “Şerê Serêkanîyê bi 3-4 qatî roja destpêke ra giranêr o. Tayê cayanê ke bombardûman vera înan ameyî kerdene zafê sivîlan wefat kerd. Labelê rîyê têgêrayîşê teyarayanê şerî ra ma nêeşkenê xo biresnê nê cayanê ke sivîlan wefat kerd. Bi nameyê Rojnamegeranê Serêkanîyê de yê ma veng danê rayaumûmîyanê mîyanneteweyî ke nê şer bide wedarnayene û nêverdê ke sivîlî bêrê kiştene.” SERÊKANÎYÊ
