HSD’ê bi daxuyaniyekê nivîskî bîlançoya şerê 11’ê cotmehê bi raya giştî re parve kir. HSD’ê da zanîn ku di encama şerê dijwar de 118 leşker û çeteyên dewleta tirk hatin kuştin. Her wiha HSD’ê destnîşan kir ku di pevçûnên rojekê de 23 şervanên wan jî şehîd bûne
Navenda Ragihandin û Çapemeniyê yê Hêzên Sûriyeya Demokratîk (HSD) têkildarî şer û pevçûnên di roja dawî ya di navbera hêzên wan û hêzên dagirker ên dewleta tirk û çetyeên wê daxuyaniyeke nivîskî weşand.
Daxuyaniya bîlançoya 11’ê cotmehê ya Navenda Ragihandin û Çapemeniyê ya HSD’ê wiha ye:
“GIRÊ SPÎ
* Di navbera Slûk û Girê Spî de şerên pir giran qewîmîn û dijmin bi tevahî teknîka xwe li ser herêmê dide şixulandin. Li gundên Til findir û Yabisê şer berdewame. Di encama şer de 11 çete hatin kuştin. Du hevalên me şehîd bûn û 5 hevalê me jî birîndar bûn.
SERÊKANIYÊ
* Di roja sêyemîn a berxwedanê de şervanên me ji bo şikandina dorpêça li ser navçeyê berxwedaneke mezin dikin.
* Di encama şerê dijwar ê li vê herêmê de nêzî 94 çete hatin kuştin û 80 birîndarên wan çêbûn. Her wiha li gundên Til Helef, El Ezîziyê, Til Erqem, Xirbet Benat, Til Xenzîr û Diwêrayê şer û pevçûn didomin.
* Di van şer û pevçûnan de 20 şervanên me şehîd bûn û 24 şervanên me ji birîndarbun.
* Di heman demê de wesayîteke dijmin a bi cureya BMB hate rûxandin û çeteyên di hundirê wê de hatin kuştin.
KOBANÊ
* Di encama êrîşa sekvanî ya şervanên me de leşkerek hate kuştin. Her wiha artêşa dagirker a tirk gundê Elî Şar topbaran kir. Di bersivdayîna şervanên me de leşkerek hate kuştin û qerqola dijmin bi cebilxaneya xwe ve hate rûxandin.
AMÛDÊ
* Di demê nîvro de bajarê Dirbêsiyê û Amûdê hate topbarankirin. Di encamê de hevalekê me şehîd bû û 2 endamên erka xweparastinê jî birîndar bûn. Li ser bersivdayîna şervanên me, qereqola sînor hat şewitandin û seyareya zirxî ya bi cureyê BMB hate rûxandin.
QAMIŞLO
* Êrîşên dijmin ên li ser sînorê bajar berdewamin û bi bersivdayîna şervanan ew êrîş hatine şikandin. Di heman demê de li gundê Sêgirkayê seyareyekê dijmin hat şewitandin û gelek ji wan jî hatin kuştin.
* Di encama êrîşa balefira keşfê ya li ser sînor de hemwelatiyên me yên sivîl şehîd û birîndar bûn.
* Li aliyê din bi êrîşên topbarana hawanan de, 6 şervan û gelek sivîl birîndar bûn.
* Li kêleka xwaringeha Omerî ya li navenda Qamişlo êrîşeke xwekujiyê pêk hat. Di encamê de şehîd û birîndar hene û gelek ziyanên maddî çêbun. Ev êrîş ji aliye çeteyên DAIŞ’ê ve hate kirin.
DÊRIK
* Artêşa tirk li Dêrîkê xwest sînor derbas bike. Di encama şer û pevçûnên li gundê Qesir Dîb de 6 leşker hatin kuştin û 23 leşker jî birîndar bûn. Di berdewamiya şerên dijwar de li gundê Delavê Kera seyareyeke leşkerî hat rûxandin û piştî wê jî gund hate topbarankirin.
* Di navbera şervanên me yên li gundê Carudiyê û leşkerên artêşa dagirker a tirk ên li qereqola gundê Babîla yê girêdayî Cizîra Botan de şerek dijwar bi çeken giran rûda.
*Duh di danê nîvroyê de qereqola li hemberî gundê Banûkiyê bû hedefa şervanên me û di encamê de qereqol hate şewitandin. Di çalakiyê de 6 leşker hatin kuştin û 21 jî birîndar bun.
* Di dane êvarê de li beramberî gundê Dêrika Beravî şervanan noqteyeke dijmin û seyareyeke dijmin şewitandin.
* Di şerê roja 11’ ê cotmehê de artêşa dagirker a tirk li seranserî sînor bi hemû hêza xwe ya teknîkî, balefirên keşfe, balefirên şer û topbarana obûs, hawan û tangan de xeta sînor û bajar bi giranî armanc girt û hê jî digire.
* Di encama vê de berxwedanê de bi giştî 118 çeteyên dewleta tirk hatin kuştin û 90 çete jî birîndar bûn.
* Di temamiya êrîşan de bi giştî 23 şervanên me şehîd bûn û 37 ji birîndar bûn.”
