Hêzên Ked, Aştî û Demokrasiyê ya Stenbolê li dijî şerê li ser Rojava derketin û banga li dijî derketina şer li her kesî kirin
Hêzên Ked, Aştî û Demokrasiyê ya Stenbolê têkildarî êrîşên Tirkiyeyê li ser Rojava li avahiya ÎHD’a Stenbolê civîna çapemeniyê li dar xistin. Li ser navê platformê Berdevkê KESK’ê yê Stenbolê Erdal Guzel daxuyanî da û diyar kir ku karker, bêkar, jin, ciwan, kedkar, endezyar, avahîsaz, bijîşk û rewşenbîr di wê ferqê de ne ku Tirkiye ber bi talûkeyê vediçe û ew li dijî şer xwedî li aştî, wekheviyê, azadiyê û demokrasiyê derdikevin.
Guzel da zanîn ku bi destpêkirina şerê li dijî Rojava ew bi xeteriyek mezin û nû re hevrû bûne û wiha got: “Li dijî şer êdî dem ne dema bêdengiyê ye. Sedemê neçareserkirina şer pirsgirêka kurd e.” Guzel di dawiya daxuyaniyê de banga têkoşîna bi hev re ya li dijî şer li her aliyan kir. STENBOL
