9 kesê ke vizêr Nisêbîn de teqayîşê şerê hukmatê AKPyî de ameyî qetilkerdene ewro ameyî definkerdene. Cinîyêka babîyê ci ame kiştene vera hêrişê dewlete hêrsê xo wina ard ziwan: “Erdogan ma se kerd to, ma qesra to rijnaye, ma se kerd?” Goreyê hemwelatijan û parekerdişê medyaya sosyalî cîsîmoke teqayo yê artêşa tirkî yo
Vizêr taxa Yenîtûranê ya qezaya Nisêbînî ya Mêrdînî de rîyê hêrişê dagirkerîye yê vera rojawanê Kurdistanî yê hukmatê AKPyî ra teqeyîşêk ame meydan û 9 kesan cuya xo vindî kerdbî. Cenazeyê Hasan Mûhammed, Orhan Dogan, Adnan Dogan, Huseyîn Çakir, Mehmet Şîrîn Demîr û Ahmet Delen Goristanê Hecaca yê taxa Qişla de ameyî definkerdene. Naîf Sîncar, Dara Alî û Aytekîn Eroglu zî saetanê rewî yê serê sibayî de Goristanê Morrîsî yê taxa Yenîşehîrî de ameyî definkerdene. Cenazeyên Naîf Sîncar, Dara Alî û Aytekîn Eroglu zî Goristanê Morrisî yê taxa Yenîşehîrî de ameyî definkerdene.
‘Qesra to rijîyaye’
Bi seyan hemwelatijî tewrê merasîmê cenaze bîyî. Merasîmê cenazeye ke dejo giran hakîm bi û bi seyan kesî tewrê ci bîyî de cinîyêka babîyê aye ame kiştene vera hêrişê dewlete dehêrsê xo wina ard ziwan: “Erdogan ma se kerd to, ma qesra to rijnaye, ma se kerd? Mela qesra to birijîye.” Goreyê hemwelatijan û parekerdişê medyaya sosyalî cîsîmoke teqayo yê artêşa tirkî yo. MÊRDÎN
