Wezîrê Karê Teberî yê Misirî Semîh Şukruyî reaksîyon nîşan da dagirkerîya serê rojawanî û va: “Erdogan kiştox o.”
Serê hêrişanê dagirkerîye yê dewleta tirkî yê serê Rojawanî bi serekîya Hemserekê MSDyî Riyad Dirar şîyo Misir û Wezîrê Karê Teberî yê Misirî Semîh Şukru reyde pêvînayîş viraşt.
Pêvînayîş de Şukruyî va ‘Erdogan wazeno pêroyê vakur û rojhelatê Sûrîye dagir bikero’ û dewam kerd: “O kiştox o. Goreyê qanûnanê mîyanneteweyî tê nêgêreno. Ma bawer ê ke Erdogan wazeno pêroyê herême bifîne tehlûke. Gamê ke erzeno çewt ê. Ma qerar da ke yewîya erdê Sûrîye bipawê û ma do pê pêroyê hêzanê xo hetkarîye bidê nê xîret. Na babete de rolêko tewr pîl serê MSDyî de yo zî.”
‘Ganî yewîya ereban qerar bigêre’
Heyetê MSDyî zî vist vîrî ke na babete de wezîfeyê Misirî zî zaf estê û bawer kenê Misir wezîfeyanê xo bîyaro ca û va: “Yewîya Ereban do kom bibe. Ma pawenê ke kombîyayîş de bi hetkarîya Misirî qerarê girîngî bêrê girewtene. Ma bawer kenê ke nê qerarî dramêko pîl wedarê û verê îşxalkerdişê Sûrîye bigêrê. Ma wazenê nê kombîyayîş de qerarî bêrê girewtene ke xebatê sefaretê tirkî yê welatanê ecêban de bêrê astengkerdene.”
‘Tirkîya û qatar wazenê parçe bikê’
Pêvînayîş de ame vatene ke Qatar hetkarîya Tirkîya keno. Şukruyî va: “Hetkarîya Qatarî yê bi Erdoganî hetkarîya Birayanê Misilmanan a û yeno waştene ke Sûrîye û welatanê bînan ê ereban parçe bikerê. Armanc o yo ke nê proje xira bibo. Ma wazenê MSDyî reyde Sûrîyeya demokratîke saz bikerê.” KAHÎRE
