Şervanên HSD’ê bersiv da baregeha leşkerên tirk a gundê Eyn Dîwarê topbaran dikir. Şervanan baregeh bi temamî rûxand
Berxwedana dîrokî ya şervanên HSD’ê ya li hemberî hêzên dagirker ên dewleta tirk û çeteyên wê bênavber didome. Di çarçoveya berxwedanê de şervanan li gundê Eyn Dîwar ê Dêrikê baregeheke leşkerên artêşa tirk ku ji wir gund û derdora wî topbaran dikir, hedef girt.
Li gorî agahiyan, di encama çalakiya şervanan de baregeha hêzên dagirker bi temamî hate rûxandin. Piştî çalakiya şervanan li ser baregehê dûkol belav dibe.
DAIŞ bi fermana Erdogan tevdigere
Di heman demê de komên çete yên DAIŞ’ê ku bi fermana dewleta tirk li herêmê ketine nava liv û tevgerê, li nêzî naverasta Acaca ya li ser rêya di navbera bajarê Hesekê û navçeya Şedadê de motorsîkleteke bombebarkirî bi tankereke veguhastina petrolê ve teqand. Di encamê de ziyan gihîşt tankerê.
