Adapazari de xebatkarê otobuse Şîrîn Tosûno ke seba ke kurdkî qisey kerdêne bibî hedefê hêrişê nîjadperstî, wefat kerd
Menga Tebaxe de Adapazari de xebatkarê şîrketa Oz Diyarbakirî ya otobusan Şîrîn Tosûno ke seba ke kurdkî qisey kerdêne bibi hedefê hêrişê nîjadperestî, nêweşxane de wefat kerd.
Tosûno ke 40 rojan beşê nêweşîya girane de ameyêne weşkerdene, wefat kerd. Cenazeya Tosûnî taxa Kaygûsûzî ya Pîranî de ameye definkerdene. AMED
