HSD’ê bi daxuyaniyekê bîlançoya şer û pevçûnên di navbera hêzên wan û hêzên dagirker ên di 12’ê cotmehê de parve kir. HSD’ê da zanîn ku di encama şer û pevçûnan de 87 çete hatin kuştin
Navenda Ragihandin û Çapemeniyê ya Hêzên Sûriyeya Demokratîk (HSD) têkildarî bîlançoya şer û pevçûnên di 12’ê cotmehê daxuyaniyeke nivîskî bi raya giştî re parve kir.
Daxuyaniya Navenda Ragihandin û Çapemeniyê ya HSD’ê wiha ye:
SERÊKANIYÊ
“* Ji seetên sibehê ve artêşa dagirker bi alîkariya balefir û topan êrîşî Zorava û taxa Sina’a kir. Di dibistana destpêka bajar de şer derket û bi bersivdayîna şervanên me ew êrîş hate şikandin.
* Hewldana artêşa dagirker a ketina taxê rojavayê bajar û qutkirina rêya Til Temirê hate şikandin.
* Herwiha li seransê bajar giştî bi topan û balefirên şer li êrîş pêk tên. Di encama şer de 78 çeteyên artêşa dagirker hatin kuştin û 29 birîndar bûn, 7 BMB û 2 wesayîtên doçkayê jî hatin rûxandin.
* Di van pevçûnan de 22 şervanên me şehîd bûn û 34 şervan jî birîndar bûn.
AMÛDÊ
* Artêşa dagirker bajarê Dirbêsiyê topbaran kir. Şer di navbera şervanên me û çeteyan de çê bû û di encamê de 5 çeteyên dagirker hatin kuştin û 3 jî birîndar bûn.
QAMIŞLO
* Di roja 4’em de seranserê bajar hate topbarankirin. Di encama êrîşan de li parka gel sîvîlek şehîd bû.
DÊRIK
* Di encama bersivdayîna hevalên me de li gundê Babîlê sîlaheke giran hate rûxandin. Herwiha di encama êrîşên artêşa dagirker de sîvîlek şehîd bû.
HESEKÊ
* Hewildanên şaneyên veşartî bi êrîşa dagirkeriyê re zêdebûn û wesayîtekê bombebarkirî li kêleka deriye girtîgeha çeteyên DAIŞ’ê ya li taxa Xuwêranê hate teqandin.
KOBANÊ
* Li ser êrîşeke ji baregeheke dijmin, şervanên me bi çalakiyekê baregeha li hemberî Qultepe rûxandin. Li gundê Recm El Hîlwa şervaneke me birîndar bû.
GIRÊ SPÎ
* 2 gund ji dagirkeriya çeteyan hate rizgarkirin. Di heman demê de bê navber bi hevkariya balefirên keşfê, top û balefirên şer navenda bajar û derdora wê bi giştî tê bombebaran kirin. Şer û pevçûn li seranserî bajar berdewame.
* Di 11’ê mehê de 6 hevrêyên me di encama êrîşeke hewayî de şehîd bûn.
* Çeteyan li ser rêya navdewletî Hevrîn Xelef û hevaleke wê şehîd xistin. Li ser bersivdayîna hêzên me herêm ji çeteyan hate paqijkirin.
*Herwiha li her du aliyên bajar, di çalakiyên hêzên me de 3 çete, di encama çalakiyeke sekvanî de jî leşkerek hatin kuştin.
*Di encama êrîşa hewayî ya li ser Mebrûkayê de 3 endamên asayîşê şehîd bûn, endamek birîndar bû û bi 3 endamên din re jî pêwendiya me qut bû. Dîsa di encama êrîşa hewayî de endamekê asayîşê şehîd bû.
Bi giştî di şerê berxwedanê de 87 çete hatin kuştin û 32 çete jî birîndar bûn. Her wiha 31 şervanên me şehîd bûn û 36 şervan jî birîndar bûn. Di heman demê de 4 sîvîlên ku Hevrîn Xelef jî di nav de ye, şehîd bûn.”
