Qralîyetê Yewbîyayeyî rîyê hêrişanê dagirkerîye yê dewleta tirkî yê verba vakur û rojhelatê Sûrîye ra rotişê çekan yê seba Tirkîya vindarna
Wezîrê Karanê Teberî yê Îngîlistanî Domînîc Raabî da zanayene ke înan rotişê çekan seba Tirkîya vindarna ke beno ke nê çekan hêrişanê dagirkerîye de bêrê xebitnayene.
Raabî parlamento de qisey kerd û va: “Rotişê çekanê leşkerîyê ke Tirkîya eşkena nê operasyonan de bixebitna ameyî vindertene.”
Fînlandiya, Norwêc, Hollanda, Almanya û Fransa verê cû rotişê çekan yê Tirkîya rê vindarnabi. Yewîya Ewropa zî dagirkerîya dewleta tirkî şermezar kerdibi, qerar girewtibi ke asta neteweyî de seba rotişê çekan hînî zêdêr tedbîrê pîtî bêrê girewtene. LONDRA
