Baroya Rihayê, ji bo ku li şûna serokê TBB’ê Metîn Feyzîoglû ku ji ber daxuyaniya xwe ya têkildarî mirina sivîlan rewabûna xwe winda kiriye, serokekî nû hilbijêre banga Lijneya Giştî ya Awarte li TBB’ê kir
Lijneya Rêveberiya Baroya Rihayê, ji ber daxuyaniya Serokê Yekitiya Baroyên Tirkiyeyê (TBB) Metîn Feyzîoglû ku gotibû “Heke hêzên çekdar sivîlan ji xwe re bikin mertal, dema dewlet rastî êrîşan bê ne mecbûre ku sivîlan biparêze” TBB’ê vexwend civîna Lijneya Giştî ya Awarte ya bi hilbijartin. Serokê Baroya Rihayê Abdullah Oncel têkildarî mijarê Ajansa Mezopotamyayê (MA) re axivî. Oncel diyar kir ku peywira parastina mafê mirovan a baroyan heye û wiha got: “Lê Serokê TBB’ê Feyzîoglû bi daxuyaniya xwe mirina sivîlan rewa dike, ji ber vê yekê Feyzîoglû rewabûna xwe winda kiriye. Me di civîna xwe ya Lîjneya Rêveberiyê ya roja sêşemê de biryara ku TBB’ê vexwînin civîna Lijneya Giştî ya Awarte ya bi hilbijartin.” RIHA
