Serokê Giştî yê Partiya Karker a Îngilistanê û lîderê mûxalefeta bingehîn Jeremy Corbyn xwest, Tirkiye tavilê dagirkeriya xwe ya li Rojava bi dawî bike û bang li Neteweyên Yekbûyî (NY) kir ku li dijî dagirkeriyê bikeve nava liv û tevgerê.
Serokê Giştî yê Partiya Karker a Îngilistanê Jeremy Corbyn, bi tundî li ber dagirkeriya dewleta Tirk a li Rojava rabû.
Corbyn diyar kir ku ya dewleta Tirk dike ‘dagirkerî’ ye û got, “Yê ku rê da vê dagirkeriyê DYE ye. Rewş tirsnake. Divê hêzên biyanî hemû xwe ji Sûriyeyê vekişînin. Lê belê dema ku ev hate kirin divê mafên Kurdan bên prastin.”
Corbyn destnîşan kir ku ji Şerê Dinyayê yê Yekemîn û vir ve Kurd li Îran, Iraq, Sûriye û Tirkiyeyê dibin hedefa kiryarên neyînî û got, diyarkirina mafê çarenûsa xwe jî di nav de divê hemû mafên Kurdan bên naskirin.
Corbyn got, “Divê Tirkiye vê dagirkeriya tirsnak raweestîne” û diyar kir, “Ji bo vê jî divê li asta Neteweyên Yekbûyî her tiştên pêwîst bên kirin. Divê ev hewldana dagirkeriyê bi dawî bibe û Tirkiye hêzên xwe hemûyan vekişîne.” LONDON
