Artêşa tirk a dagirker û çeteyên wê ji şevê din ve êrîşên xwe yên bejahî û hewayî bê navber didomîne. Şervanên HSD’ê ji her aliyan ve bersiva êrîşan didin
Artêşa tirk a dagirker ji şevê din ve heta vê kêliyê êrîşên xwe yên bejahî û hawayî li ser bajarê Serêkaniyê ranewestandiye û di van êrîşan çêkên giran û yên kîmyewî bi kar tînin. Şervanên HSD’ê bi çekên xwe yên sivik bersiva êrîşan didin. Ji şevê din heta niha gelek kuştî û birîndarên çeteyan çêbûne. Her wiha şehîdên HSD’ê jî hene. Rexmî teknîka pêşketî ya dagirkeran û hejmara wan a zêde, nedikarî derbasî navenda bajar bibe.
HSD’ê li hêzên taybet a dewleta tirk xist
Şevê din hêzên taybet ên arteşa dagirker a tirk bi tevî gelek tang û maşîneyên zirxî xwastin êrîşî Eyn Îsayê bikin. HSD’ê bersiv da êrîşan û li gundê Khafiyah şerekî giran derket. Di şer de, wesayîteke dagirkeran hat rûxandin û gelek leşkerên artêşa dagirker hatin kuştin û birîndarkirin. Di şer de hinek alavên leşkerî ketin destê şervanên HSD’ê.
HSD’ê êrîşa li ser gundewarê Girê Spî şikand
Çeteyên artêşa tirk a dagirker duh derengî şevê êrîşî gundê Kendalê gundewarê rojavayê bajarê Girê Spî kirin. Li ser bersivdayîna şervanan şerek rû da. Şer heta serê sibehê dewam kir. Di encamê de 7 çete hatin kuştin û hejmarek din jî birîndar bûn.
Li gundê Menacîr û Alyayê şer giran e
Li gundên Menacîr ê di navbera Serêkaniyê û Til Temirê de û gundê Alyayê yê Til Temirê şerekî giran di navbera şervanên HSD û leşkerên artêşa tirk a dagirker de rû dide. Balafirên şer ên dagirkeriyê her gundan bombebaran dikin.
