Hêzê artêşa tirkî ya dagirkere bi çekanê giranan hêrişê nêweşxaneyê Serêkanîyê û merkezê ci kena. Eynî wext de artêşa tirkî dewa Bîr Hebeşî zî bombardûman kena û netîceyê hêrişî de 2 sivîlî birîndar bîyî
Hêrişê dewleta tirkî ya dagirkere û çeteyanê aye yê vera vakur rojawanê Kurdistanî bêmaben dewam kenî. Dewleta tirkî ya dagirkere û çeteyê aye nê gaman de bi çekanê giranan, tanq û topan hêrişê merkezê Serêkanîyê û nêweşaneyî kenî. Hêrişê dewleta tirkî yê vera Serêkanîyê bi heme şîdetê xo dewam keno. Hemverê hêrişan de şervanê Hêzê Sûrîyeya Demokratîke (HSD) cewabanê girdan danî dagirkeran ro û bi îradeyêko gird xover danî.
Eynî wext de dewleta tirkî ya dagirkere û çeteyê aye dewa Bîr Hebeşî yê rojawanê Girê Spî bombardûman kenî. Netîceyê bombardûmanê artêşa tirkî de hemwelatijê bi nameyê Mihemed Îbrahîm (23) û Nermîn Mihemed Hesen (18) birîndar bîyî.
Heyva Sor a Kurd birîndarsn wedarna nêweşxaneyê Kobanî. SERÊKANÎYÊ
