Vervatoxê HSDyî Gabrîelî da zanayene ke dimayê pêkerdişê adirbirnayîşê 17ê Teşrîna Verêne ra nata hêrişanê qirkerdişî de 13 şervanî û 5 sivîlî şehîd bîyî
Vervatoxê HSDyî Kîno Gabrîelî da zanayene ke dimayê adirbirnayîşê 17ê Teşrîna Verêne ra nata hêrişanê qirkerdişî yê dewleta Tirkî yê vera Rojawanî de 13 şervanî û 5 sivîlî şehîd bîyî
Vervatoxê Hêzê Sûrîyeya Demokratîke (HSD) Kîno Gabrîelo ke eşkerayîyêka nuştekîye daye vat: “Hêzê ma heme herêman de goreyê pêkerdişê adirbirnayîşî kewtî pozîsyonê xopawitişî. Hêzanê ma pêkerdiş rê giradeyê mendî û çalakîyî nêviraştî. Rixmo ke cepheyê Serêkanîyê û der û dorê ci de pêkewtişî biney şenik bîyî zî, dimayê pêkerdişê adirbirnayîşî ra nata 13 şervan û 5 sivîlî şehît bîyî. Sere de hêzê ke no pêkerdiş kerd ganî her keso eleqedar goreyê pêkerdişî tê bigêro. Ma do vera hêrişan heqê xo yê xopatişî bişuxulnê.”
