Hat zanîn ku cenazeyên komên çete yên ku ji bo dagirkirina rojavayê Kurdistanê tev li êrîşên qirkirinê bûn, dibin Efrînê û li wir tên veşartin
Komên çete yên girêdayî dewleta tirk, di hemû êrîşên li dijî rojavayê Kurdistanê de ji hêla dewleta tirk a dagirker ve tên bikaranîn. Di vê êrîşa dawî ya li dijî seranserî xeta sînor a rojavayê Kurdistanê de jî ev komên çete tên bikaranîn.
Çavkaniyên ji herêma Efrînê ragihandin ku cenazeyên çeteyên ku di Berxwedana Rûmetê de hatine kuştin, derbasî Efrînê tên kirin. Hat zanîn ku cenazeyê çeteyê bi navê Mistefa Reed ku endamê koma çete ya Sûltan Mûrad ên girêdayî dewleta tirk e, birin gundê Qitmê yê kantona Efrînê û li wir hate veşartin.
Di heman demê de çend roj berê jî cenazeyên zêdetirî 15 çeteyan ku endamên komên çete yên El Hemzat, Sûltan Mûrad û El Şerqiyê yên girêdayî artêşa tirk a dagirker û li Serêkaniyê û Girê Spî hatibûn kuştin, anîn Efrînê. EFRÎN
