Komeke ku bi navê Yekîneya Tolhildanê ya Şehîd Çiyager û Şehîd Zeryan xwe bi nav kirî şewata li Izmîrê ya li fabrîka û trafoyê girt ser xwe. Komeke bi navê Zarokên Êgir jî ragihand li fabrîka û atolyayê şewat derxistine
Yekîneya Tolhildanê daxuyaniyeke niviskî da û diyar kir ku di 16’ê cotmehê de êvarkî li navçeya Karabag a Izmîrê 2 çalakiyên karîger hatin kirin. Hate gotin çalakiyek ji van li taxa Peker a navçeya Karabaglar a Îzmîrê ya li dijî fabrîkayeke ku ya ‘faşîstekî AKP’yî’ ye hatiye kirin. Li gorî Yekîneya Tolhildanê di çalakiya sabotajê de ziyaneke mezin gihaşte depoya fabrîkayê. Her wiha hate diyarkirin li eynî navçeyê li taxa Uzundere trafoya elektrîkê bûye hedef, trafo hatiye şewitandin û rûxandin.
Komeke din jî ya ku xwe wekî ”Zarokên Êgir” pênase dike jî ev tişt ragihand: “Di 16’ê cotmehê de êvarkî li navçeya Yenîce ya Karabûkê li dijî Fabrîkaya Sinayiyê ya Berên Daristanî me çalakiyek kiriye.” Hate ragihandin di encama çalakiyê de teqînên mezin çêbûne û fabrîka bûye xwelî. Di heman daxuyaniy ev tişt jî hat gotin: “Di 16’ê cotmehê de êvarkî li taxa Yukari Duldullu a navçeya Umraniyê ya Stenbolê li dijî atolyeya mobilyayan bi çalakiya ku me kirî atolye hate şewitandin û îmhakirin.” STENBOL
