HSDyî da pêhesnayene ke dewleta tirkî adirbirnayîş binpay kena, hêrişî nêvindertî û va: “Adirbirbayîşî ser ra 30 saetî ravêrtî la dormeyê şaristanê Serêkanîyê hema zî girewte yo, nêverdenê ke seba sivîlan û birîndaran korîdorêk bêro akerdene.”
Hêzê Sûrîyeya Demokratîke (HSD) eşkera kerd ke dewleta tirkî adirbirnayîş binpay kena, hêrişî nêvindertî û va: “Adirbirbayîşî ser ra 30 saetî ravêrtî la dormeyê şaristanê Serêkanîyê hema zî girewte yo, nêverdenê ke seba sivîlan û birîndaran korîdorêk bêro akerdene.”
Eşkerayîya Fermandarîya Pêroyî ya HSDyî wina ya:
“HSDyî adirbirnayîşê mabênê ma û dewleta tirkî bi mabênçîya DYA ya 17ê teşrîna verêne ame viraştene, qebul kerd. HSDyî saete 22.00 de dest pêkerd. La Tirkîya hema zî hêrişanê xo rê dewam kena û adirbirnayîş pinpay kena. Heta nika zî korîdorêkê merdimîye zî nêame akerdene ke sivîlî û birîndarî bêrê vajîyayene. Adirbirnayîşî ra 30 seatî ravêrtî la hêrişê dewam kenê. Wekîlê serekê Amerîka birêz Mike Pence û wezîrê karanê teberi Mike Pompeoyê ke Tirkîya reyde pêkerd, berpirsîyarê nê nêtîceyan ê ke Tirkîya hema zî dormeyê şaristanî gêna, caardişê adirbirnayîşan ra goş pa nêkewena û korîdorê merdimîye anêkena. Her çiqas têkilîya bêmabene de Amerîka soz da ke meseleyi çareser bike zî, heta nika û na hêle caardişêko cidî nêqewimîyayo. Ma sozê caardişê adirbirnayîşî da û hema zî goreyê ci tê gêrenê. Labelê ma Amerîka ra wazenê ke goreyê peymane tê bigêre û Tirkîya bike ke korîdorê merdimîye abike ke birîndar û sivîlanê Serêkanîyê yê dormekerde bêrê xelisnayene.”
