Xebatkarê weşî yê rojawanê Kurdistanî dîyar kerdî ke hûmarêka zêde ya sivîlanê birîndar û cenazeyanê şehîdan Serêkanîyê de ya û sivîlî tehlukeyêko gird reyde rî bi rî yî. Xebatkarê weşî veng dayî mîyanneteweyî ke korîdorêko merdimîye bêro akerdene ke sivîlê birîndar û cenazeyê şehîdan bêrî xelisnayene
Hêrişê qirkerdişî yê dewleta tirkî ya dagirkere û çeteyê girêdayeyê aye yê vera rojawanê Kurdistanî dewam kenî. netîceyê qirkerdişî de heta nika zêdeyê 235 sivîlî ameyî qetilekrdene û zêdeyê 677 sivîlî zî birîndar bîyî. Cayo ke tewr zêde tede şehîd û birîndarî estî ra yew zî qezaya Serêkanîyê yo. Seba ke dormeyê qeza hetê hêzê dagirkeran ra ameyo girewtene, komê weşî nêeşkenî dekewî qeza û birîndaran bixelisnî.
Derheqê babete de hemsereka Heyva Sor a Kurdî Cemîle Hemê qisey kerde û dîyar kerde ke bi desan şehîd û birîndarê sivîlî Nêweşxaneyê Serêkanîyê û keyeyan de asê de mandî. Hemê arde ziwan ke înan eşkayî tena 30 birîndar û 4 şehîdan nêweşxane ra bivejnî û va: “Ma Serêkanîyê de zîyaretê xeylê cayan kerde. Dîyar bî ke dewleta tirkî ya dagirkere bi zanaye sivîlan hedef girewta. Ma veng danê rêxistinanê merdimîye ke wezîfeyê xo biyarî ca ke korîdorê merdimîye bêro akerdene.”
Hemşîreya zerrîxaştoxe veng kerde
Xebatkaranê weşîye ra yew zî Mary Francis Rosen a. Mary Francis Rosena ke no karî bi zerrîwaştoxe kena qala Serêkanîyê kerde û va: “Serêkanîyê de hûmarêka zêde ya birîndar û şehîdan esta. Lazimîya tewr acîl derman o. Ez Nêweşxaneyê Serêkanîyê de xebetîyayêne û nika qezaya Til Temirî de ya. Cuya birîndaranê Serêkanîyê tehluke de ya. Ez veng dana dezgeyanê mîyanneteweyî de korîdorê merdimîye bêro akerdene ke sivîl û birîndarî bêrî xelisnayene.” HESEKÊ
