Hat zanîn ku hêzên dagirker ên dewleta tirk li gundê El Sefih ê Serêkaniyê di nava liv û tevgerê de ne. Her wiha şervanan li gundê Kesrayê jî 2 şaneyên çeteyan girtin
Liv û tevgera hêzên artêşa tirk a dagirker û komên çete yên girêdayî wê yên li rojavayê Kurdistanê bênavber didomin. Li gorî agahiyên ji herêmê, hêzên artêşa tirk û komên çete yên girêdayî wê îro saeta di 03:00’yan de li gundê El Sefih ê girêdayî bajarê Serêkaniyê ketin nava liv û tevgerê.
Çavkaniyên ji herêmê da zanîn ku li tevahiya herêmên rojavayê Kurdistanê balafirên keşfê yên artêşa tirk dagirker geriyan. Di heman demê de şervanên Hêzên Sûriyeya Demokratîk (HSD) du şaneyên çeteyên dewleta tirk li gundê Kesra yê di navbera Serêkaniyê û Dirbêsiyeyê de girtin. HESEKÊ
