HPG’ê bi daxuyaniyekê ragihand ku hêzên wan li Xakûrkê û Dêrsimê çalakî pêk anîn û di encama çalakiyan de leşkerek û kontrayek hatine kuştin
Navenda Ragihandin û Çapemeniyê ya HPG’ê têkildarî çalakiyên hêzên wan ên herî dawî daxuyaniyeke nivîskî weşand.
HPG’ê da zanîn ku hêzên wan di 22’yê cotmehê saet di 13.00’an de di çarçoveya Pêngava Şoreşgerî ya Şehîd Bager û Şehîd Ronya de li dijî leşkerên artêşa tirk ên li Girê Şehîd Derwêş a Herêma Xakurkê ya Herêmên Parastinê ya Medyayê çalakiyeke sekvaniyê pêk anî. HPG’ê diyar kir ku di çalakiyê de leşkerek hate kuştin.
Bi berdewamî jî HPG’ê ev agahî parve kirin: “Di 21’ê cotmehê saet di 12:00’an de hêzên me li dijî yekîneya kontra ya diçû Qereqola Yenîbaşi ya Xozat a Dêrsimê ku kontrol dikirin, çalakiyek pêk anîn. Di vê çalakiyê de bi xurtî li makîneya kar hate xistin, makîneyeke kar hate rûxandin û bi qasî ku hatiye zelalkirin, kontrayek jî hate kuştin.” BEHDÎNAN
