Tevî lihevkirinên li herêmê jî dewleta tirk êrîşên xwe yên li dijî rojavayê Kurdistanê didomîne. Hat zanîn ku di encama bersivdayîna şervanên HSD’ê de çeteyek hate kuştin û 4 jî birîndar bûn
Êrîşên dewleta tirk û komên çete yên girêdayî wê yên li dijî rojavayê bênavber didomin. Li hemberî van êrîşên qirkirinê jî şervanên Hêzên Sûriyeya Demokrat (HSD) di çarçoveya mafê xweparastinê de bersivê hêzên dagirker dide.
Hat zanîn ku hêzên aratêşa tirk a dagirker û komên çete yên girêdayî wê li gundê Dibis ê girêdayî Eyn Îsayê xwestin keşfa rê bikin û pêşde biçin. Li ser vê yekê jî şervanên HSD’ê bi çekên giran derb li çeteyên dagirker dan. Hat zanîn ku di encama çalakiya şervanan de çeteyek hate kuştin û 4 jî birîndar bûn.
Di heman demê de çavkaniyên ji herêmê da zanîn ku helîkopter û balafirên keşfê li asîmanê herêma ser sînorên Qamişlo ya herêma Cizîrê difirin.
Artêşa tirk a dagirker di heman demê de bi obus û hawan gundê Merenaz ê navçeya Şera ya Efrînê topbaran dike. Têkildarî encamên topbaranê heta niha agahiyên zelal nehatine bidestxistin.
