Serhildana gelê Libnanê ya li dijî zêdebûna bacan û nelirêtiyên siyasetmedaran di roja 8’an de didome.
Roja Çarşemê artêşê hêzên xwe li derdora Bêrûdê bi cih kir û serhildan jî gihişt asteke din
Girseyan çalakiyên xwe bi rêyên aştiyane domandin lê daxuyaniya reformê ya hikumetê jî nerazîbûna gel kêm nekir.
Barîkatên li ser rêyan hemû welat pûç kir û ji serê serhildanê û vir ve bi hezaran jin jî di çalakiyan de cih digirin. Jin li vî welatî ji ber qanûnên zewicandin, hevberdan û mîratê mexdûr dibin.
Roja Duşemê serokwezîr Saad Harîrî diyar kir ku wê meaşê wezîr û parlementeran nîvenîv were kêmkirin lê vê biryarê jî hêrsa gel kêm nekir. Ji ber ku piştî şerê di sala1975-1990’an û heta niha xizmetên wekî av, elektrîk û tendirustiyê baş nayên kirin.
Çalakger dixwazin ji van siyasetmedarên wekî Nabîh Berrî, Welîd Cûmblatt, Samîr Geagea, Hasan Nasrallah û Saad el Harîrî pak bibin. BÊRÛD
