Rêveberiya Girtîgeha Wanê nameya girtî Taner Korkmaz, bi hinceta AKP rexne kiriye desteser kir. Girtîyan diyar kirin ku nameyan nadin wan, mafe wan ê sohbet û ragihandinê asteng dikin
Reveberiya Girtîgeha Ewlehiya Bilind a Wanê, mafê girtiyan binpê dike. Mafê wan ê ragihandin û sohbetê asteng dike. Girtiyên li Girtîgeha Ewlehiya Bilind a Wanê dimînin, name ji şaxa ÎHD’ê ya Enqereyê re şandin û bal kişandin ser binpêkirina mafan. Girtiyan anîn ziman ku meha îlonê bê navber rastî binpêkirina mafan hatin û wekî ‘Tecrîda di nava tecrîdê de’ pênasekirin. Girtiyan anîn ziman ku hemû alavên kantînê zêde kirine û weşan qedexe kirine.
Girtiyan di nameyê de binpêkirina mafan rêz kirin û wiha gotin: “Pirtûka ‘Marksîzm û şerê gerîla’ ku ji Murat Kaymaz re hat şandin piştî bi hefteyan hat rawestandin rêveberiya girtîgehê biryara qedexeyê da û desteser kirin. Lê heta niha der barê pirtûkê de tu biryar nehatiye girtin.
- Pirtûka ‘Li Amerîkaya Lat^şn Tevgerên gerîla 1-2’ a bi kargo ji girtî Taner Korkmaz re hat şandin, piştî 10 rojan li girtîgehê hat rawestandin qedexe kirin û nedan. Heta niha der barê vê pirtûkê de tu biryar nehatiye girtin.
- Li Girtîgeha Wanê ya Ewlehiya Bilind sînorê 12 pirtûk û 2 kovar anîne. Rojnameyên Yenî Yaşam û Yenî Asya nadin girtiyan.
- Nameya ku Taner Korkmaz têde AKP rexne kiribû, piştî 23 rojan rawestandin, desteser kirin.
- Nameya girtî Macît Şahînkaya ji rojnameya Cumhuriyet û Birgunê re şandibûn û nameya ku girtî Taner Korkmaz ji Bîanet û Yenî Yaşamê re şandibû, nameya ku Talat Şanli ji Evrensel û Duvarê re şandibû mehekê dan rawestandin.
Her wiha mafê girtiyan ê raghinadin û sohbete asteng dikin.” ENQERE
