Hêzên dagirker ên dewleta tirk û çeteyên wê êrîşî gundê Haci Cemal ê Zirganê kir. Di encama pevçûnan de panzêreke çeteyan hate rûxandin
Êrîşên hêzên artêşa tirk a dagirker û komên çete yên El Nusra, El Qaîde, DAIŞ û OSO’yê yên li dijî rojavayê Kurdistanê bênavber didomin. Tevî agirbesta di navbera HSD’ê û dewleta tirk de jî, komên çete bi her awayî êrîşî herêmê dikin.
Di vê çarçoveyê de, leşkerên artêşa tirk a dagirker û çeteyên wê di berbanga sibehê saet derdora 02.00’an de êrîşî gundê Haci Cemal ê girêdayî Ebû Rasên a Zirganê kir.
Şervanên HSD’ê jî di çarçoveya mafê xweparastinê de bersivên tund dan çeteyan û li herêmê şerekê dijwar qewimî. Li gorî agahiyan, di encama şer û pevçûnên herêmê de panzêreke dagirkeran hate rûxandin lê hejmara kuştî û birîndarên wan nehate zelalkirin. SERÊKANIYÊ
