Helbestvan û nivîskarê kurd Celal Melek Şa êrîşên dewleta tirk ên li dijî rojavayê Kurdistanê şermezar kirin û piştgirî da Berxwedana Rûmetê
Êrîşên dewleta tirk a dagirker ên li ser rojavayê Kurdistanê berdewam in. Her ku diçe piştgiriya ji bo rojavayê Kurdistanê jî mezintir dibe. Helbestvan û nivîskarê kurd Celal Melek Şa êrîşên dewleta tirk şermezar kirin û piştgiriya xwe ya bi Berxwedana Rûmetê re ragihand.
Helbestvan Celal Melek Şa ev nêzî saleke ku nexweşe. Helbestvan Melek Şa têkildarî Berxwedana Rûmetê peyamek parve kir. Melek Şa piştgiriya xwe ya ji bo Berxwedana Rûmetê anî ziman.
Peyama Celal Melek Şa wiha ye: “Ev demeke rojavayê Kurdistanê dibin êrîşên dewleta tirk a dagirker a Erdogan de ye. Ez bêdengiya raya giştî û Amerîkayê ya li hemberî êrîşan jî şermezar dikim.”
Helbestvan û nivîskarê kurd Celal Melek Şa di sala 1951’an de li bajarê Sine yê rojhilatê Kurdistanê ji dayik bû. Zêdetirî helbestên Celal li ser zorî, zehmetî û xebata neteweya gelê kurd hatine nivîsandin.
