Komê çete yê El Nusra û DAIŞî hêrişê dewanê Serêkanîyê kerdî. Şervanê HSDyî pawitişê xo yê meşrû pê ardî û cewab dayî hêrişan. Badê cewabdayîşê HSDyî herême de pêkewtişêko giran qewimîya. Pêkewtişan de heta nika 2 wesayît ameyî desteserkerdene û xeylê çete ameyî kiştene
Hêrişê dewleta tirkî ya dagirkere û çeteyê girêdayeyê aye yê vera rojawanê Kurdistanî dewam kenî. Na çarçewe de hêzê dagirkerî hêrişê dewanê Serêkanîyê kenî. Goreyê xeberanê ke Serêkanîyê ra ameyî girewtene leşkerê artêşa tirkî ya dagirkere û çeteyê aye hewl dayî ke hêrişê dewa Til Diyabî ya Serêkanîyê bikerî. Hewldayîşê dagirkeran ra dima şervanê Hêzê Sûrîyeya Demokratîke (HSD) cewabê şîdetin dayî hêrişan û wesayîtêko doçkabarkerde û wesayîto bi tewirê Megzemînî ameyî desteserkerdene. Şero ke nika zî qewimîyeno ke heta nika xeylê çeteyî ameyî kiştene.
Çimeyê herême dayî zanayene ke komê çeteyan yê El Nusra û DAIŞî na reye zî bi çekanê giranan hêrişê dewa Bab Xêrî ya Zîrganî ya Serêkanîyê kenî. Ame zanayene ke şervanê HSDyî û hêzê rejîmê Sûrîye ke no serê sibayî resayî dewe cewabanê girdan danî hêrişanê dagirkeran ro. Heta nika leşkerêk rejîmê Sûrîye birîndar bî. SERÊKANIYÊ
