Meclîsê Cinîyan ê HDPyî yê Dêrsimî derheqê “25ê Teşrîna Peyêne Roja Têkoşînê Vera Şîdetê Serê Cinîyan” de eşkerayîya nuştekîye daye
Meclîsê Cinîyan yê Partîya Demokratîke ya Şaran (HDP) yê Dêrsimî derheqê “25ê Teşrîna Peyêne Roja Têkoşînê Vera Şîdetê Serê Cinîyan” de eşkerayîya nuştekîye daye.
Hemsereka HDPyî ya Dêrsimî Ozlem Topraka ke tewrê eşkerayîye bîye û eşkerayîye wende, bale ante ke serewedaritişê verba şîdetê camêrdan beno pîl. Toprake vat: “Sey Meclîsê Cinîyan ê HDPyî 25ê Teşrîna Peyêne ma dibistanan de, meydanan de, keye de her wareyê cuye de do têkişt bibê. Îrade, beden û keda cinîye bi cîyakerdiş ameyî dormegirewtene. 25ê Teşrîna Peyêne seba ke îradeyê ma û kedê ma bêrê verê çiman ma rêxistinanê cinîyan û femîstan reyde verba qetilkerdişê cinîyan, seba qedînayîşê polîtîkayanê îşxal û şerî yê ke şîdetê verba cinîyan zêdêr kenê, verba sîyasetê qeyûmîyo ke îradeyê cinîyan çin keno, verba feqirîye, seba caardişê qanûnanê ke sey Peymana Îstanbulî, Qanûnê 6284 cinîyan pawenê, verba xespkerdişê heqanê ma yê nafaka ma do meydanan de bibê.” DÊRSIM
