Serekê DYAye Donald Trump bi eşkerayîyêke da zanayene ke serçeteyê DAIŞî Ebubekir El Bexdadî ameyo kiştene. Trump dîyar kerd ke Bexdadî yêlegêko xokiştişî xo ser de teqnayo û tewrê xo 3 domananê xo kişto
Serekê Dewletê Yewbîyaye yê Amerîka (DYA) Donald Trumpî Qesra Spî de derheqê kiştişê serçeteyê DAIŞî Ebubekir El Bexdadî de eşkerayî da çapemenî.
Donald Trump da zanayene ke Bexdadî tewrê hetkaranê xo ameyo kiştene û wina va: “Bexdadî kewt tunelêk ke berê ci yê teberî çin bî. Verê ke bêro kiştene berma. Bexdadî hetkarêko şîdetê wexşane bî. Bi wexşane cuya xo vindî kerd. sey tersoneêk rema û merd. Bexdadî tehdîtêko vera asayîşê ma yê neteweyî de bî. Serek û awankarê DAIŞî El Bexdadî merd. Yêlegêko xokiştişî xo ser de teqna û tewrê xo 3 domananê xo zî kişt.”
Operasyon de dest ronayî xeylê xeberanê muhîman û hesasan ser
Dewamê eşkerayîye de Trumpî da zanayene ke înan sey DYA ‘xelîfetî’ peynî kerdî û wina domna: “Operasyon vera ez Rûsya, Tirkîya, Iraq û kurdanê Sûrîye rê spas kena. No bi hetkarîya neteweyanê bînan zî pê ame. No operasyon xeylê tehluke bî. Hêzê Taybet operasyon de dest ronayî xeylê xeberanê muhîman û hesasan ser.”
Operasyon ganî temaşe kerdo
Donald Trump dîyar kerd ke o operasyonî tewrê hetkarê xo Mike Pence ganî temaşe kerdo û derheqê rolê dewleta tirkî yê operasyonî zî wina va: “Zanayê ke ma do şêrî ça. Ma tay raşteyanê înan ser de firayî. Ma tu problemêk nêcuyayî.”
Derheqê operasyonî de malumat dîya Rûsya
Trumpî da zanayene ke înan a, labelê Rûsya nêzanayêne ke do Idlib de se bikera.
DYA Bexdadî labaratuarêk de cigêrayîş kerd
Trumpî tewr peynî wina va: “DYA Bexdadî labaratuarêk de cigêrayîş kerd. Seba ke binê xirabeyan de bîxXosernayîşê bedenê ci tay zehmetin bî û xo teqnabî. Tepîya ancîyayîşê hêzê DYAye yê vakurê Sûrîye ra no semed ra nêbî.”
