Hêzên artêşa tirk a dagirker û komên çete yên girêdayî wê li gundê Dibiş ê Zirganê 3 welatiyên sivîl piştî ku destên wan piştve girêdan, înfaz kirin
Dewleta tirk a dagirker û komên çete yên El Nusra, DAIŞ û OSO’yê yên girêdayî wê ji 9’ê cotmehê heta niha li dijî rojavayê Kurdistanê êrîşên qirkirinê dikin. Hêzen dagirker ku hemû pîvanên şer binpê dikin, ji bikaranîna çekên kîmyewî heta bombebarankirin û topbarankirina qadên sivîlan, ji kuştin, revandin û talanê heta her tiştên derhiqûqî û dermirovî li dijî Rojava kirin û hê jî dikin.
Hêzên dagirker niha jî li gundê Dibiş ê girêdayî Zirgan a Serêkaniyê sûcê şer kirin. Li gorî agahiyên ji gundê Dibişê, komên dagirker şevê din gund dagir kirin. Hat zanîn ku şervanên HSD’ê piştre jî gund careke din ji dagirkeran rizgar kir.
Çavkaniyan da zanîn ku dema şervan çûn gund dîtin ku komên çeteyan li gundê Dibişê 3 welatî piştî ku destên wan piştve girê dan înfaz kirine û cenazeyên wan li nava ersayekê de hatine hiştin. SERÊKANIYÊ
