HSD’ê bi daxuyaniyekê ragihand ku êrîşên dewleta tirk a dagirker û çeteyên wê yên li dijî Rojava didomin. HSD’ê diyar kir ku di pevçûnên duh de 56 çete û leşkerên artêşa tirk hatin kuştin û 13 şervan jî şehîd bûn
Navenda Ragihandinê ya Hêzên Sûriyeya Demokratîk (HSD) têkildarî şer û pevçûnên di navbera hêzên wan û yên artêşa tirk û çeteyên wê de daxuyaniyeke nivîskî weşand. HSD’ê diyar kir ku artêşa tirk a dagirker û çeteyên wê bi teknîkên xwe yên şer êrîşên xwe didomîne. HSD’ê da zanîn ku hêzên dagirker piştî ku hêzên wan xwe ji herêmên lihevkirî vekişiyan, êrîşên xwe zêdetir kirine û agirbest binpê kirine. HSD’ê daxuyand ku hêzên wan jî di çarçoveya mafê xweparastinê de bersiva hêzên dagirker didin.
Daxuyaniya HSD’ê wiha dom kir:
“ENIAY DINAVBERA SERÊKANIYE Û DIRBÊSIYÊ
* Li gundê Derdara, Morîkis û Bab El Xêr, artêşa tirk a dagirker û çeteyên wê bi bi çekên giran, tang û balafiran êrîş kirin. Di bersivê de 3 tang, 3 panzêr, 6 wesayîtên leşkerî hatin rûxandin û 40 çete û leşker hatin kuştin.
* Di şerê li van gundan de 11 şervanên me bi lehengî şer kirin û şehîd bûn.
ENIYA DI NAVBERA TIL TEMIR Û SERÊKANIYÊ
* Artêşa tirk a dagirker û çeteyên wê li gundên Bîr Nûh, Til Diyab û EsedIê bi çekên giran, tang û balafiran êrîş kirin. Di encama bersivdayînê da 2 wesayîtên doçkabarkirî hatin rûxandin û 16 çetê û leşker hatin kuştin.
ENIYA KOBANÊ Û EYN ÎSA
* Çeteyên artêşa tirk a dagirker li gundên Qizalî û nêzî rêka diwelî êrîş kirin. Di şer de ku ji ber êrîşê qewimî hejmareke zêde dagirker mirin û birîndar bûn. Her wiha 2 hevalên me û 3 leşkerên rêjîmê jî birîndar bûn.
* Bi giştî êrîşên dagirkeran hatin sekinandin û 3 tang, 5 panzêr, 2 wesayîtên doçkabarkirî û 6 wesayîtên leşkerî hatin rûxandin. Her wiha di şer de 56 leşker û çete hatin kuştin. Di şer de leşkerekê rêjîmê jî jiyana xwe ji dest da û 13 jî birîndar bûn.
* Di şer de 13 hevrêyên me jî şehîd û 2 jî birîndar bûn.”
