HSDyî da pêhesnayene ke hêrişê dewleta tirkî ya dagirkere zêdîyayî. Eşkerayîye de ame vatene ke pêkewtişan de tewr tay 56 çeteyî û dagirkerî ameyî kiştene û 16 wesayîtê leşkerî ameyî îmhakerdene
Merkezê Çapemenîya Hêzê Sûrîyeya Demokratîke (HSD) da zanayanê dewleta tirkî pêkewtişê adirbirnayîşî binpay kena, hêrişê înan zêdîyayî û derheqê pêkewtişan de nê pare kerdî:
CEPHEYÊ DIRBESÎYÊ – SERÊKANÎYÊ
Dewleta tirkî hêrişê dewanê Derdara, Morîkîs û Bab El Xêrî yê ke mabênê Dirbêsîyê û Serêkanîyê de yê kerd. Şervananê HSDyî cewab da îşxalkaran. 3 tanq, 3 panzer û 6 wesayîtê leşkerî ameyî îmhakerdene. Tewr tay 40 dagirkerî ameyî kiştene. Pêkewtişanê nê dewan de 11 şervanê HSDyî yê ke bi qehremankî da îşxalkaran ro şehîd bîyî.
CEPHEYÊ TIL TEMIR – SERÊKANÎYÊ
Dagirkeran bi çekanê giranan da dewanê Bîr Nûh, Til Dîyab û Esedîye ro. Şervanan cevap da dagirkeran. Netîceyê pêkewtişan de di wesayîtê leşkerî ameyî îmhakerdene û tewr tay 16 çeteyî ameyî kiştene.
CEPHEYÊ KOBANÊ – EYN ÎSA
Dewleta tirkî û çeteyanê ci dewa Qizalî hêriş kerd. Pêkewtişan de xeylî dagirkerî ameyî kiştene. 2 şervanê HSDyî û 3 leşkerê rejîmî birîndar bîyî.
Pêro pîya 56 dagirkerî ameyî kiştene
Goreyê eşkerayîye hêrişê dagirkerî ameyî şiktene û pêro pîya 56 leşker û çeteyî ameyî kiştene û 16 wesayîtê leşkerî ameyî îmhakerdene.
13 Şervanî Şehîd Bîyî
Hêrişanê dagirkerî de leşkerekê rejîmî cuya xo vînî kerde 13 zî birîndar bîyî. Xoverdayîş de 13 şervanê HSDyî şehîd bîyî û 2 zî birîndar bîyî.‘‘
