Gerîlayên HPG û YJA Starê li Riha, Mêrdîn û Colemêrgê derbên giran li artêşa tirk xistin û di encamê de 18 tîmên taybet û leşkerek hat kuştin
Navenda Ragihandin û Çapemeniyê ya HPG’ê encamên çalakiyên li Riha, Mêrdîn û Colemêrgê aşkera kir.
Di daxuyaniyê de hate gotin k udi 27’ê cotmehê de hêzên gerîla li dijî artêşa tirk a li ser Girê Serzer ê li navçeya Çelê ya Colemêrgê çalakiyek pêk anîne û hat diyar kirin ku derbên giran li çeper û stargehên artêşa tirk hatine xistin û di encamê de leşkerek hatiye kuştin.
HPG’ê destnîşan kir ku hêzên wan di çarçoveya Pêngava Tolhildanê ya Şehîd Medya Mawa û Şehîd Rizgar Gever de roja 27’ê îlonê wesayîteke polîsên tîmên taybet ên li ser rêya Riha û Semsûrê xistine û ev agahî parve kir: “Ji devereke nêz ve derb li wesayitê hate xistin û wesayita dijmin bi temamî hate rûxandin, di encamê de 4 polîsên tîmên taybet hatin kuştin. Di 20’ê cotmehê de li qada navbera navçeya Dêrikê ya Mêrdînê û navçeya Wêranşarê ya Rihayê artêşa TC a dagirker dest bi operasyonê kir. Hêzên me di çarçoveya Pêngava Şehîd Medya Mawa û Şehîd Rizgar Gever de li navbera gundên Erbetê û Simakê yên Dêrikê li wesayiteke zirxî ya bi tîpa kîrpî xistin. Wesayita zirxî ya bû hedefa derbên giran bi temamî hate rûxandin. Hêzên me li herêma operasyonê gelek caran bi leşkerên dijmin re şer kirin û gelek leşkerên dijmin hatin kuştin. Di çalakiyê û şer de bi giştî 14 tîmên taybet hatin kuştin. Di şer de 3 hevalên me yên bi lehengî şer kirin şehîd bûn. Agahiyên der barê hevalên me yên şehîd bûn piştî ku aşkera bûn wê bi raya giştî re bên parvekirin.” BEHDÎNAN
