Artêşa tirkî ya dagirkere û çeteyê aye DAIŞ û El-Nusra hêrişê ekîbê weşî yê Xaça Sorî kerdî
Her çiqas ke mabenê DYA û Tirkîya de des rojî verê adirbirnayîş bêro îlankerdene zî hêrişê dewleta tirkî ya dagirkere û çeteyê girêdayeyê aye yê vera rojawanî dewam kenî. Şervanê Hêzê Sûrîyeya Demokratîke (HSD) çarçeweya xopawitişê meşrû de cewab danî hêrişanê dagirkeran ro. Ekîbê weşî yê Xaça Sorî hewl dayî ke birîndaranê dewa Soda ya ke mabenê rayîrê Serêkanîyê û Til Temirî de ya seba sermankerdişî bibî. Artêşa tirkî ya dagirkere û çeteyê aye DAIŞ û Cebhet El-Nusra hêrişê ekîbê weşî kerîdî.
Çeteyê Tirkîya derbazê dewe bîyî ke nêverdî ekîbê weşî derbazê dewe bibî û birîndaran berî. Sewbîna çeteyî hewl danî ke bi no hawa hêrişê serê sivîlan binimnî.
