Wezîra Karê Derve ya Swêd Ann Lînda got êrîşên dewleta Tirk ên li ser Rojava bi kêrî çeteyên DAÎŞ’ê tên.
Wezîra Karê Derve ya Swêd Ann Lînde bersiv da pirsên wekîlan. Lînde got hikûmeta Swêd gelek caran êrîşen dewleta Tirk şermezar kiriye û domand, ”Ev li dijî hiqûqa navnetewî ye, bi kêrî DAÎŞ’ê tên û ne tenê ji bo Kurdan, ji bo kêmarên din Asûr-Sûryan û Êzîdiyan jî rê li ber êşên mezin ê mirovahiyê vedike. Ev şermezar bi rengekî sirûştî komên çekdar jî vedihewîne navxwe ku di nav Artêşa Azad a Sûriyê de cih digirin û bi kontrola Tirkiyê ne.”
Wezîr her wiha got, ”Tekane rêya aştiyê li gorî biryara bi hijmara 2254’an a Konseya Ewlehiya Neteweyên Yekbûyî, çareseriya siyasî ye ku Neteweyên Yekbûyî pêşengiya wê bike.”
Lînde got beriya ku êrîşên dewleta Tirk dest pê bikin wan hişyarî dane ku dibe çeteyên DAÎŞ’ê birevin û domand, ”Ji ber vê em tim bi rêveberên Kurd re didin û distînin, em tim bi wan rêxistinan re diaxivin ku xebatên kampê rê ve dibin.”STOCKHOLM
