Partîyê sîyasî yê Parlementoyê Danîmarka pêkerdî û qerar dayî ke hêrişanê Tirkîya yê serê vakur û rojhelatê Sûrîye vera do rotişê çek û malzemeyanê leşkerî Tirkîya rê bidî vindetene
Danîmarka zî tewrê mîyanê welatanê ke hêrişanê serê vakur û rojhelatê Sûrîye yaptirim ronayî serê Tirkîya bîye. Swêd, Norweç û Fînlandîya destpêkerdişê hêrişan de Tirkîya rê rotişê çekan dayîvindetene. Nika zî Danîmarka qerarêko winasî girewte û kewte mîyanê têgêrayîşan. Partîya Çep ya Sosyalîst û Lîsteya Yewîye, Parlamentoyê Danîmarka yaptirimanê serê Tirkîya ardî rojeve.
Wezîrê Karê Zerre yê Danîmarka Jeppe Kofodî cewab da persanê partîyê sîyasî yê derheqê babete û wina va: “Tirkîya rê mîyanê yew serrî û nêmî de qet çekî nêameyî rotene. Lazimî bi qerarêko newe çin a.” kofodî reaksîyon nîşanê hêrişanê Tirkîya da û da zanayene ke do çekan Tirkîya rê nêroşî.
Parlamenter û Verfeka Polîtîkayê Teberî ya Lîsteya Yekwîye Eva Flyvholma ke yaptirimanê serê Tirkîya arde rojeva meclîsî waşte ke destûrê ke verê cû ameyî dayene heme bêrî betalkerdene û Tirkîya rê bi temamî rotişê çekan bêro vindetene
Partîyê sîyasî yê Parlementoyê Danîmarka pêkerdî û qerar dayî ke hêrişanê Tirkîya yê serê vakur û rojhelatê Sûrîye vera do rotişê çek û malzemeyanê leşkerî Tirkîya rê bidî vindetene. Yeno pawitene ke 5ê Teşrîna Peyêne de derheqê babete de netîceyê raydayîşî de qerar parlemento ra bêro girewtene.
