Dîroknasê Îsraîlî Prof. Benny Morrîs diyar kir, ku Ewropa ji gefên Tirkiyeyê ditirse, lewma paqijiya etnîkî ya ku Tirkiye li Bakurê Sûriyeyê dike ji nedîtî ve tê.
Morrîs ji rojnameya Berlîngske ya Danîmarkayê re axivî û diyar kir ku hêzên rojavayî bi taybetî jî Ewropa ji ber ku ji Tirkiyeyê ditirsin naxwazin paqijiya etnîkî ya Tirkiye li Bakurê Sûriyeyê dike bibîne.
Morrîs tevî dîroknas Dror Ze’evî qirkirina ku ji aliyê Tirkiyeyê ve hatiye kirin di pirtûka “Qirkirina ku sih salan dom kir: Tinebûna Hindikahiyên Xiristiyan bi destê Tirkiyeyê, 1894-1924” kom kirin.
The Wall Street Joûrnal, New York Tîmes û gelek rojnameyên DYA’yê cih dan pirtûkê, lê belê medya li Ewropayê pirtûk ji nedîtî ve hat.
Morrîs destnîşan dike ku Tirkan di nava 30 salên ku Hîtler ji bo avakirina welatekî etnîkî paqijiya etnîkî pêk anîn de ji 1.5 heta 2.5 milyon Xiristiyan qetil kir. Diyar kir ku nifûsa Xiristiyana di sala 1894’an de li Tirkiyeyê ji sedî 20 bû lê di sala 1924’an de daketji sedî 2.
Morrîs destnîşan kir ku yên dewleta Tirk bi rê ve dibin ji sala 1920’î ve qirkirinê înkar dikin û belgeyên di arşîvan de jî bi rêk û pêk tine kirine.
Morrîs xemsariya medya welatên Ewropayê li pêşberî pirtûka wî nirxand û got, “Hêzên rojavayî bi taybetî jî Ewropa ji Tirkiyeyê ditirse. Siyasetmedar ditirsin ku Tirkiyeyê hêrs bikin, medya jî ditirse ku Tirkiyeyê rexne bike. Dibe ku Tirk derî vekin û penaberan bişînin û li rojavayê Ewropayê bi milyonan Tirk her wiha hilbijêrên Tirk hene.” KOPENHAGEN
