Dewleta tirkî Serêkanîyê rê bêmabên hêriş kena. Hemwalatijê qezaya Zîrganî vanê ke ê nêwazenê erdê xo terk bikerê la rîyê hêrişan ra mecbûr manenê
Hêrişê Dewleta tirkî û çeteyanê ci yê vera Rojawanî dewam kenê. Mûxabîra ma Ruken Cemale qezaya Zîrganî ya Serêkanîyê ya ke binê hêrişî de ya ra rewşa peyêne da zanayene.
Cemale da zanayene ke qezaya ke tirkî bi hawan û tankan bombardûman kenê de bêvengîya girde esta û vat qismêkê şarî bananê xo ra nêvejîyen teber û qismêk zî mecbûr mend, bar kerd. Goreyê zanayîşanê ke Cemale dayî şar nêwazeno herra xo caverd la ê rîyê hêrişan ra mecbûr manenê. Zîrgan de têgerayîşê teyaranê keşîfî dewam keno û mabenê îşxalkaran û şervananê HSDyî ca-ca pêkewtişî yenê ciwîyayene. SERÊKANÎYÊ
