Konfederasyona Civakên Kurdistaniyên li Elmanyayê (KON-MED) bi wesîleya 2’ê Mijdarê Roja Rojava ya Dinyayê ji bo meşên Şemiyê banga tevlîbûnê kir.
Êrîşên dagirkeriyê yên dewleta Tirk ên li dijî Rojava didomin. Kurdistaniyên li Ewropayê tevî dostên xwe amadekariyan dikin ku di 2’ê Mijdarê Roja Rojava ya Dinyayê de dakevin qadan û çalakiyan bikin. Konfederasyona Civakên Kurdistaniyên li Elmanyayê (KON-MED) der barê çalakiyên Şemiyê daxuyaniyeke nivîskî weşand.
Di daxuyaniyê de hate ragihandin ku armanc ji êrîşên li dijî Rojava tinekirina Kurdan li çar parçeyên Kurdistanê ye û hate gotin, dem hatiye ku ew ji vê bêhurmetî, bêexlaqî û dijminatiyê re bêjin ‘Êdî bes’.
Di daxuyaniyê de hate gotin, “Ji bo bersiva herî xurt li dijî êrîşên dagirkerî û qirkeriyê yên Erdogan bê dayin di 2’ê Mijdara 2019’an Roja Rojava ya Dinyayê de divê em bi ruhê yekîtiya neteweyî tevlî meşên navendî bibin. Lewma em bang li gelê xwe, gelan, civakên ji baweriyên cuda, şoreşger, demokrat, hêzên azadîxwaz hemûyan dikin ku bi rengekî xurt tevlî çalakiyan bibin.”
Di daxuyaniyê de der barê meş û mîtîngên li pênc navendên Elmanyayê Şemiyê pêk werin ev agahî bi raya giştî re hate parvekirin:
BERLÎN
Meş, (Ji bajarên eyaletên Berlin, Sachsen, Hamburg, Bremen, Niedersachsen wê tevlîbûn pêk were)
Cih: Alexander platz
Saet: 13:00
KOLN
Meş, (Bajarên eyaleta NRW wê tevlî bibin)
Cih: Hbf
Saet: 13:00
STÛTTGART
Meş, (Bajarên eyaletên BWB û Bayern wê tevlî bibin)
Cih: Lautenschlagerstraße
Saet: 14:30
FRANKFÛRT
Meş, (Bajarên eyaleta Hessen û beşek ji eyaleta Thurîngen wê tevlî bibin)
Cih: Hauptbahnhof
Saet: 15:00
DARMSTADT
Meş, (Bajarên eyaletên Saarland, Rheinland-Pfalz û beşek ji bajarên eyaleta BWB wê tevlî bibin)
Cih: Luisen Platz
Saet: 14:00
