Gerîlayan li Xakurkê li dijî leşkerên tirk çalakiyên sûîkastê lidar xistin û di van çalakiyan de 2 leşker hatine kuştin
Navenda Ragihandin û Çapemeniyê ya HPG’ê derbarê çalakiyên gerîlayan û êrîşên hewayî yên artêşa tirk de daxuyaniyeke nivîskî weşand.
HPG’ê ragihand ku hêzên wan di çarçoveya Pêngava Şoreşger a Şehîd Bager û Şehîd Ronya de roja 30’ê cotmehê saet di 10.30’an de li Girê Şehîd Derwêş ê Xakurkê ya Herêmên Parastinê yên Medyayê li dijî artêşa tirk çalakiyên sûîkastê lidar xistine û ev agahî parve kir: “Di van çalakiyan de 2 leşker hatin kuştin û leşkerek jî birîndar bû. Di 30’ê cotmehê de saet di 23.00’an de balefirên şer ên artêşa tirk a dagirker qada Gundê Gûzê yê herêma Garê bomberdûman kiriye. Di 31’ê cotmehê de saet di 00.30’an de balefirên şer qada Kalatûka ya Qendîlê bomberdûman kiriye. Di van bomberdûmanan de tiştek bi hêzên me nehatiye.” BEHDÎNAN
