Fermandarê Pêroyî yê HSDyî Mazlum Abdî dîyar kerd ke Tirkîya adirbirnayîşî binpay kena, badê dagirkerdişê dewanê Xirîstîyanan nika zî wazena bikewa bajarê Asûrîyan Til Temirî û vend da DYA ke berpirsîyarîya xo bîyaro ca
Fermandarê Pêroyî yê Hêzê Sûrîyeya Demokratîke (HSD) Mazlum Abdî hesabê xo yê medyaya komelkî Twîtterî ser de da zanayene ke Tirkîya adirbirnayîşî binpay kena û hêrişanê xo domnena. Abdî dewamê parekerdişê xo de wina va: “Tirkîya DYA reyde adirbirnayîş îlan kerde û pêkerdî. Labelê Tirkîya pêkerdiş binpay kena. Şerê xo domnena. Tirkîya rêxistinanê xo yê radîkalan reyde dewa Xirîstîyanan dagir kerde. Tirkîya nika zî wazena bajarê Asûrîyan Til Temirî ke çinbîyayîşî reyde rî bi rî yo dagir bikera.
Lazima DYA berpirsîyarîya xo bîyara ca.”
