YRDyî da pêhesnayene ke xebatkarê Çapemenîya Azade Vedat Erdemcî hêrişê dagirkerîye yê vera Serêkanîyê de şehîd kewt
Yewîya Çapemenîya Demokratîke ya Vakur û Rojhelatê Sûrîye (YRD) bi eşkerayîyêk da zanayene ke xebatkarê Çapemenîya Azade Vedat Erdemcî hêrişê dagirkerîye yê vera Serêkanîyê de şehîd kewt.
Eşkerayîye de ame vatene ke Vedat Erdemcî gama ke Serêkanîyê de rêça Apê Mûsa, Gûrbetelî Ersoze, Denîz Firate, Nûjîyan Erhane, Dîlîşan Îbîşe û Rizgar Adanmişan de wezîfeyê xo ardêne ca, 11ê teşrîna verêne de tewrê kervanê şehîdan bi. Ame vatene ke birayê Erdemcî zî 2015 Serêkanîyê de şerê vera DAIŞî de şehdî bi. YRDyî şexsê Vedat Erdemcî de xebatkarê Çapemenîya Azade Saed Şêxmûs Ehmed, Mihemed Hesen Reşîd û Dilovan ê ke di rojî verê şehadetê Erdemcî Serêkanîyê deşhîd bîyî yad kerdî û keyeyanê înan rê serweşîye waşte.
