Fermandarê Pêroyî yê HSDyî Mazlum Abdî pê mesajêk da zanayene ke tewrbîyayîşê xurt yê çalakîyanê seba Roja Kobanê û Rojawanî seba terorîst û hetgiranê înan do bibo cewabêko xurt
Fermandarê Pêroyî yê Hêzê Sûrîyeya Demokratîke (HSD) Mazlum Abdî bi wesîleya 2ê Teşrîna Peyêne ya Roja Rojawanî ya Dinya serê hesabê xo yê medyaya komelkî de mesajêk weşêna û da zanayene ke tewrbîyayîşê xurt yê çalakîyanê seba Roja Kobanê û Rojawanî seba terorîst û hetgiranê înan do bibo cewabêko xurt. Abdî mesajê xo de vendê tewrbîyayîşê çalakîyan kerd.
Mesajê fermandar Mazlum Abdîyî wina yo: “Tewrbîyayîşê xurt yê roja dinya ya Kobanê û Rojawanî do bibo sembolê wefadarîya heme şaranê dostan û yê ke seba şehîdan, têkoşînê şar û şervananê ma yê ke vera terorî de xover danî ke dinya biba cayêka asayîş û kêfweşî. Tewrbîyayîşê xurt yê çalakîyanê na roje do seba heme terorîst û dostanê înan bibo cewabêko xurt.”
