Şervanê HSDyî hêrişê şîdetin yê artêşa tirkî ya dagirkere û çeteyê girêdayeyê aye yê vera dewa Mehmûdîyê şikitî. Şero ke qewimîya de wesayîtêk dagirkeran ame teqnayene û xeylê çeteyî ameyî kiştene
Hêzê artêşa tirkî ya dagirkere û komê girêdayeyê aye DAIŞ, El Nusra û OSO hêrişanê xo yê vera rojawanê Kurdistanî bêmaben domnenî. Hêzê dagirkerî hêrişê dewa Mehmûdîyê ya pabesteyê Serêkanîyê kerdî.
Çimeyê herême dayî zanayene ke hêzê dagirkerî bi çekanê giranan hêrişê dewa Mehmûdîyê kerdî. Hêrişanê çeteyan ra dima şervanê Hêzê Sûrîyeya Demokratîke (HSD) cewab dayî dagirkeran ro û herême de şerêko şîdetin ame cuyayene.
Ame zanayene ke netîceyê pêkewtişan de şervanan wesayîtêk çeteyan teqnayî û çeteyê ke tebî zî ameyî kiştene. Çimeyê herême dîyar kerdî ke netîceyê cewabdayîşê şîdetin yê şervananê HSDyî de hêrişê dagirkerîye yê dewleta tirkî û çeteyanê girêdayeyê ame şikitene. Ame zanayene ke pêkewtişan de xeylê çeteyî ameyî kiştene û xeylê zî ameyî birîndarkerdene.
Goreyê xeberan dagirkerê ke herême de tepîya ancîyayî nika bi tankan dewe bombardûman kenî. Şervanê HSDyî zî bi hawayo şîdetin cewab danî dagirkeran ro. SERÊKANIYÊ
