Li başûrê Kurdistanê koma 12’emîn a ciwanan jî çû rojavayê Kurdistanê û tev li refên Berxwedana Rûmetê bûn
Bi destpêkirina êrîşên dagirkeriyê yên dewleta tirk û komên çete yên El Nusra, DAIŞ û OSO’yê yên girêdayî wê, gelek ciwanên ji bajarên başûrê Kurdistanê ji bo ku li dijî hêzên dagirker şer bikin, berê xwe dan rojavayê Kurdistanê.
Di vê çarçoveyê de koma 12’emîn a ciwanên başûrê Kurdistanê jî tev li ‘Berxwedana Rûmetê’ ya li rojavayê Kurdistanê bûn. Li gel koma dawî hejmara ciwanên ku tev li berxwedanê bûne derket 83’yan.
Hêjayî bibîrxistinê ye ku piştî êrîşa dewleta tirk û çeteyên wê gelek ciwanên başûrê Kurdistanê tev li refên berxwedanê bûn. Hejmara ku weke 83 tê zanîn tenê ya ciwanên ku têkildarî çûna xwe agahî dane ye. Ji bilî van koman, gelek ciwanên başûrê Kurdistanê jî bi înîsiyatîfa xwe tev li refên berxwedanê bûne.
