Leşkerê artêşa tirkî ya dagirkere û çeteyê girêdayeyê aye nê gaman de bi hawayêko wehşane hêrişê dewa Mehmûdîyê ya pabesteyê Serêkanîyê û dewa Zîrganî bombardûman kenî
Hêzê artêşa tirkî ya dagirkere û çeteyê girêdayeyê aye DAIŞ, El Nusra û OSO hêrişanê xo yê vera rojawanê Kurdistanî bêmaben domnenî. Hemverê hêrişanê dagirkerîye û qirkerdişî de xoverayîşê şarê herême û şervananê Hêzê Sûrîyeya Demokratîke (HSD) zî dewam kenî.
Na çarçewe de hêzê dagirkerî yê pabesteyê artêşa tirkî û çeteyê aye nê gaman de bi çekanê giranan hêrişê dewa Mehmûdîyê ya pabesteyê Serêkanîyê û dewanê Esedîyê, Bab Ferec û Um Işbê yê pabesteyê qezaya Zîrganî yê Serêkanîyê kenî.
Çimeyê herême dayî zanayene ke bombardûmanê hêzê dagirkeran yê vera dewan dewam keno. HESEKÊ
