HSDyî bi eşkerayîşêke bîlançoya şer û pêkewtişanê 24 saetanê peyênan eşkera kerd. HSDyî dîyar kerd ke şer û pêkewtişan de tewr tay 15 çeteyî ameyî kiştene û 3 wesayîtê çeteyan ameyî derbkerdene
Merkezê Resnayîşî yê Hêzê Sûrîyeya Demokratîke (HSD) netîceyê şer û pêkewtişanê 24 saetanê peyênan bi eşkerayîyêke nuştekî eşkera kerd.
Eşkerayîya HSDyî wina yo:
“ZÎRGAN Û TIL TEMÎR
* Artêşa tirkî ya dagirkere û komê çeteyan yê girêdayeyê aye hêrişê xo yê dagirkerî domnenî. Çeteyan hewl dayî ke hêrişê dewanê Ingel-Hewa, Til El Werd, Xirbe Dibs, Bab El Fereş, Til Mihemed û Ûm El Îşbayê bikerî. Hêzê ma na çarçewe de heqê pawitişê meşrû xebetnayî û şerêko şîdetin qewimîya. Şer de tewr tay 15 çeteyî ameyî kiştene û 2 wedayîtê leşkeran ameyî derbkerdene.
EYN ÎSA Û KOBANÊ
* Artêşa dagirkere û komê çeteyan seba hîrakerdişê herêmê dagirkerde û kontrolê rayîrê M4 hêrişê dewa Xirbetî Faris, Boxaz Sêgir, Şêrgirad û Mesûdiyê kerdî.
* Hêzê ma cewab dayî hêrişanê dagirkeran û şer vejîya. Herême de xeylê çeteyî ameyî kiştene û birîndarkerdene, albelê hûmara înan nêame zelalkerdene.
* Netîceyê cewabdayîşê hêzanê ma de tewr tay 15 çeteyî ameyî kiştene û 2 wesayîtê leşkerî û wesayîtêk kar ame derbkerdene.
* Na çarçewe de 8 embazê ma birîndar bîyî.”
